Óscar Briones Gamarra

Breve CV

Doutor en Ciencias Políticas pola USC con especialidade en Ciencia da Administración. Licenciado en Ciencias Políticas e da Administración (especialidade Administración pública) e Licenciado en Dereito. Máster en xestión de organizacións e servizos sociais. Actualmente exerce como profesor da Universidade de Vigo, Coordinador Académico e Secretario da Facultade de Dirección e Xestión Pública. Anteriormente prestou servizos na Administración Pública Autonómica e Local. Tamén imparte clases de dirección pública en tres mestrados, de ámbito nacional e internacional, relacionados con esta temática e asesorou tecnicamente a gobernos autonómicos e locais en materia de xestión de recursos humanos e dirección pública. Os seus principais traballos e investigacións viraron ao redor da auditoría pública, calidade dos servizos públicos, xestión de recursos humanos e en especial a función directiva, así como o estudo das políticas públicas con especial orientación á temática ambiental. Secretario do Grupo de Investigación Observatorio para a gobernanza.